Miting Blong Yia Ya Oktoba 2, 1993

MITING blong ol memba blong Watch Tower Bible and Tract Society of Pennsylvania long yia ya bambae oli holem long Oktoba 2, 1993, long Haos Asembli blong ol Wetnes blong Jeova, 2932 Kennedy Boulevard, Jersey City, New Jersey. Fastaem ol memba nomo bambae oli gat wan smol miting long 9:30 long moning, biaen bigfala miting ya bambae i stat long 10 klok moning.

Ol memba blong Kampani oli mas givim adres blong olgeta naoia long Ofis blong Sekretari sipos adres blong olgeta i jenis blong oli save kasem ol advaes mo ol pepa blong vot i no longtaem afta long Ogis 1.

Ol pepa blong vot we bambae oli sanem i go long ol memba semtaem wetem pepa blong advaes blong miting long yia ya, oli mas kasem bak Ofis blong Sekretari blong Sosaeti bifo Ogis 15. Evri memba oli mas fulumapgud mo sanembak pepa ya kwiktaem mo oli mas talemaot sipos oli save kam long miting ya no no gat. Ol samting we oli raetem long pepa ya oli mas stret, from we oli mas kasem save se hu nao bambae i stap long taem ya blong miting.

Bambae ful miting ya, hemia miting blong bisnes mo ol ripot, i finis long 1 klok aftenun, no kwiktaem biaen. Bambae i no gat miting long aftenun. From we i no gat inaf rum, ol man we oli gat tikit nomo oli save go insaed. Bambae oli no yusum telefon blong joenem i go long narafala rum blong ol man i save lesin long miting blong yia ya.