Baebol i Ansa
?Ded blong Jisas i givhan long yumi olsem wanem?
Taem God i wokem ol man, hem i wantem se oli laef long wol ya blong olwe. Be fas man, Adam, i no obei long hem, nao hem i lusum janis ya blong laef olwe. Yumi kamaot long Adam, taswe yumi tu yumi stap ded. (Rom 5:8, 12; 6:23) Jehova God i sanem Pikinini blong hem, Jisas, i kam long wol blong i ded mo i pembak laef we Adam i lusum.—Ridim Jon 3:16.
Jisas i ded, blong ol man oli save laef olwe. ?Yu ting se laef we i no save finis long wol bambae i olsem wanem?
Ded blong Jisas i mekem se God i save fogivim sin blong yumi, mo yumi save kasem laef we i no save finis. Baebol i tokbaot taem ya we bambae yumi no moa kam olfala, yumi no moa sik, mo yumi no moa ded.—Ridim Aesea 25:8; 33:24; Revelesen 21:4, 5.
?Olsem wanem blong tingbaot ded blong Jisas?
Bifo we Jisas i ded, hem i talem long ol man blong hem se oli mas mekem Memoriol blong tingbaot ded blong hem. Taem yumi mekem Memoriol evri yia, yumi luksave bigfala lav we Jisas mo Jehova tufala i gat long ol man.—Ridim Luk 22:19, 20; 1 Jon 4:9, 10.