Tiokratik Nyus

◆ Long Maj, Ostrelya i kasem nyufala namba blong pablisa: 54,306. Hemia i namba tri manis we oli kasem nyufala namba.

◆ Long ol seven manis we oli pas long tiokratik yia ya, faef taem namba blong ol pablisa long Bolivia i go antap. Long Maj oli kasem nyufala namba ya: 8,031 pablisa. Evri pablisa oli prij 14.4 haoa long avrej. 33,377 man oli kam long Memoriol. Namba ya i fo taem antap long namba blong ol pablisa.

◆ Long Dominikan Ripablik long Maj, i gat nyufala namba blong ol pablisa: 13,238. Hemia i 13% antap long olfala namba. 52,340 man i kam long Memoriol.

◆ Long ol naen yia we oli pas, gavman long Nikaragwa i blokem wok blong ol Wetnes. Be long Mei 1, 1991, hedkwota i stat wok bakegen. Faef misinari we oli stap wok fastaem long Nikaragwa, oli letem olgeta oli kambak long kantri ya, oli gohed bakegen long wok ya.

◆ Long Maj, Filipin i kasem nyufala namba blong pablisa: 108,456. Hemia i namba tri manis we oli kasem nyufala namba.