Yumi Stap Hadwok Blong Mekem Wil Blong God
1 Taem yumi hadwok blong kasem wan mak mo blong karem gudfala frut, yumi harem gud tumas. (Ekles. 3:13) ?Tede i gat wanem wok we i save mekem man i hapi naoia mo long fyuja, gogo i no save finis? I gat wan ansa nomo long kwestin ya: Wok blong God. Bambae yumi luksave from wanem samting ya i tru tumas, long ol tok, pleplei, mo ekspiryens long spesel dei asembli blong 1992 tiokratik yia. Stampa tok blong asembli ya se: “Yumi Stap Hadwok Blong Mekem Wil Blong God.”—Efes. 6:6; 1 Tim. 4:10.
2 Tede plante man oli harem nogud long laef blong ol. Oli stap kros oltaem from we oli spenem bighaf long laef blong olgeta long wan wok we oli no laekem. Be wok blong Jeova i no mekem man i harem olsem. Taem yumi folem fasin blong Kraes, yumi gat risen blong stap laef. Nating we yumi mas wok wetem ol man blong wol, be yumi save holem wan gudfala tingting. ?Olsem wanem yumi save hadwok blong mekem wil blong God? ?Yumi mas blokem wanem samting, blong yumi save gohed long wok blong God? ?Long saed blong wok blong prij mo tij, i impoten olsem wanem blong folem ol advaes blong ogenaesesen blong Jeova? ?Ol yangfala we oli mekem wok blong God oli save kasem wanem spesel blesing?
3 Program blong asembli bambae i ansa long ol kwestin ya. Long program ya, i gat tu impoten tok: “?Wil Blong God i Bos Long Laef Blong Yu?” mo “Risen Blong Laef Blong Yumi i Blong Mekem Wil Blong God.” I gud we yumi mekem plan naoia blong go long spesel dei asembli ya mo harem gud long olgeta haf blong program blong hem.