Jusum Ol Stret Poen Blong Storeyan
1 ?Wanem samting yumi save mekem blong leftemap tingting blong ol man blong ridim Wajtaoa mo Wekap oltaem. Yumi nidim blong gat sam gudfala poen blong tokbaot taem yumi askem ol man blong karem magasin. Sipos yumi savegud ol man long teritori blong yumi mo tingbaot olgeta taem yumi ridim ol magasin, yumi save lukaot long sam poen we yumi save yusum blong pulum intres blong olgeta.
2 Long sam eria ol man oli kam long sem ples nomo mekem se i moa isi blong luk wan samting we evriwan oli intres long hem. Be long sam ples, yumi faenem se ol man oli kam long ol defren ples blong stap long hem. Sipos yumi gat sam poen blong storeyan bambae yumi save jusum wan we i stret long wanwan man we yumi faenem.
3 Yu no mas hareap blong no moa yusum ol olfala magasin taem yu kasem ol nyuwan. Wan brata oltaem hem i soem tri no fo magasin long man blong haos mo askem hem blong jusum wan we hem i wantem ridim. Sipos yu kasem moa magasin bitim we yumi save seremaot, yumi mas stretem oda blong yumi.
4 Taem yumi yusum ol poen blong storeyan we oli stret, bambae yumi save pusum ol narafala blong ridim magasin blong yumi mo maet man ya i save stat blong wokbaot long rod blong laef. (Matyu 7: 14) Sipos yumi tingting gud long impoten bisnes ya, yumi save sua se Jeova bambae i blesem yumi.