Nyufala Program Blong Seket Asembli
1 Blong obei long tok blong Jisas long Matyu 6:33, ol trufala Kristin oli mas gohed blong putum Kingdom fastaem long laef blong olgeta. Yes, “Gohed Blong Lukaot Kingdom Fastaem” hem i wan stret stampa tok blong nyufala program blong seket asembli, we bambae i stat long Septemba 1993.
2 Long stat blong hem, program ya bambae i soemaot ol trufala samting long saed blong Kingdom ya, bambae i makem se hem i stap rul mo i gat ples blong hem, i gat ol man we oli rul long hem, mo ol man we hem i rul long olgeta mo hem i gat ol loa. Plante loa blong ol gavman blong man tede we oli givhan long ol man, oli stanap long Baebol.
3 Bambae oli tokbaot olsem wanem fasin blong putum Kingdom fastaem long olgeta samting long laef blong yumi, i save lukaot mo givim blesing long yumi. Bambae oli givim ol advaes tu long yumi blong soem olsem wanem blong blokem fasin blong wari bitim mak. Ol tok, pleplei, mo ol storeyan bambae oli soem from wanem hem i impoten tumas blong mekem ae blong yumi i klia gud long ol samting we oli isi nomo.
4 Long Sarede blong asembli ya, olgeta we oli kasem mak ya blong tekem baptaes bambae oli save soemaot long ol man, se oli givim laef blong olgeta i go long Jeova. Mo long Sande, yumi evriwan i wantem stap blong lesin long pablik tok, we stampa blong hem se, “Kingdom Blong God Bambae i Mekem Wanem Long Ol Man.”
5 Yu mas stap mekem plan naoia blong stap long tufala dei blong seket asembli ya. Wetem gudfala fasin joengud blong ol brata sista, bambae i leftemap tingting blong yumi, taswe i no mas gat wan long yumi we i mestem ol program ya.