Ansa Long Wan Kwestin

◼ ?Wetaem i stret blong mekem Buk Stadi blong kongregesen?

Oltaem i wokgud moa mo i mekem i moa isi long evriwan long kongregesen blong gat plante defren buk stadi long defren ples long teritori blong kongregesen, bitim we evriwan i go joen long Haos Kingdom. Ol stadi ya oli mas stap long ol taem we oli stret long bighaf blong ol man we oli kam long buk stadi ya. Kolosap oltaem, taem ya i stap long wan sapa blong wik, taem i no gat narafala miting no wok blong prij. Be, maet i gud blong mekem plan blong gat wan buk stadi long dei taem blong givhan long ol olfala we oli fraet lelebet blong goaot taem i tudak mo blong givhan long olgeta we oli stap wok long naet. Samtaem, i wokgud moa blong gat wan buk stadi long dei taem long wiken.

Ol elda oli save askem samfala blong savegud wanem taem bambae i “stret long bighaf blong ol pablisa” mo ol man we oli intres, blong mekem ol miting long hem. (om p. 60) Taem we oli jusum i mas stap long dei mo haoa we i no mas blokem no spolem plan blong wok blong prij.