Wan Kwestin

◼ ?Wanem stret rod blong raetem telefon namba blong ol Wetnes blong Jeova long buk blong telefon?

Mifala i luk we i gat plante defren fasin blong raetem namba blong ol Wetnes blong Jeova long ol buk blong telefon. Sam oli no klia mo sam oli no givim naf save. Sipos kongregesen i gat wan telefon long Haos Kingdom, i impoten blong raetemgud namba long telefon buk, blong olgeta we oli intres long trutok mo ol brata tu oli save telefon i go long lokol kongregesen.

Hemia nao fasin we i gud blong folem: Ol Wetnes Blong Jeova, (Taon), (Aelan), nao adres blong Haos Kingdom mo namba blong telefon blong hem.

Long ol taon we i gat bitim wan kongregesen, mifala i ting se i gud blong mekem olsem: Ol Wetnes Blong Jeova, (Taon), (Aelan), nao wan lis blong olgeta kongregesen, we i talem nem, adres blong Haos Kingdom, mo namba blong telefon blong ol wanwan kongregesen.

Olgeta kongregesen wanwan oli save tekem disisen blong givim wan narafala namba blong telefon. Sipos wan kongregesen long wan narafala taon i yusum Haos Kingdom tu, mo ol namba long taon ya oli no stap long lokol telefon buk, i gud blong raetem nem blong taon ya tu wetem adres blong Haos Kingdom mo namba blong telefon blong hem.