!250 Pablisa!

Hemia nao namba blong ol pablisa we yumi wantem luk long ripot blong Vanuatu long Ogis 1998. ?Yumi naf blong kasem namba ya? !Yes, yumi naf! Ripot blong ol kongregesen blong yumi naoia i soem se i gat 261 pablisa. Be, manis Julae 1997, hem i wan manis nomo we ripot blong ol pablisa i kasem 257, wan namba we yumi neva kasem bifo. ?Olsem wanem yumi save bitim namba ya? Yumi save bitim sipos ol wanwan pablisa long kongregesen oli mekem plan blong joen long wok blong prij long Ogis mo oli kwik blong mekem ripot blong wok blong olgeta. Tufala faswan dei blong manis ya oli Sarede mo Sande. Taswe ating i gud we yumi mekem plan blong statem wok blong prij stret long wiken ya. Sipos yu gat wan asembli long wiken ya, ating yu save tekem jans blong prij long taon we asembli i stap long hem, mo joen blong prij wetem kongregesen long nekis wiken. Sipos yumi prij plante long stat blong manis, bambae yumi no mestem blong spenem sam haoa long wok blong prij long manis Ogis. Sipos yumi wokgud tugeta, i sua se bambae yumi luk wan nyufala namba blong pablisa we i bitim 250. !Hemia bambae i rili wan bigfala voes blong presem Jeova!​—Sam 47:⁠1.