Ansa Long Wan Kwestin

◼ ?From wanem yumi mas lukaot gud taem yumi raetem leta blong prij?

Longtaem finis i kam, plante man oli bin raetem leta blong talemaot gud nius. Be plante samting we oli jes kamaot long wol, oli mekem se ol man oli fraet blong openem ol leta taem oli no save hu man ya we i bin sanem leta i kam. Plante taem, oli no trastem nating ol envlop we i no gat adres blong hemia we i sanem i stap, antap moa sipos ol envlop ya oli fulapgud, mo sipos raeting long olgeta i long pen no pensel. Maet oli no openem ol leta olsem, oli jes sakem nomo. ?Olsem wanem yumi save winim samting ya?

I moagud sipos yu raetem leta mo envlop wetem taepraeta. Yu mas raetem stret nem blong man blong haos long envlop. Yu no mas raetem nomo se “Man blong haos.” Mo tu, yu mas raetem adres blong yu samples long envlop ya. Sipos i no waes blong givim adres blong yu, raetem nem blong yu wetem adres blong Haos Kingdom. Yu no mas sanem wan leta we yu no raetem nem blong yu long hem. Mo yu neva mas yusum adres blong ofis blong Sosaeti.​—⁠Lukluk Ansa Long Wan Kwestin long Kingdom Wok blong Yumi, Novemba 1996.

I gat sam moa advaes mo eksampol blong wan leta long buk ya Benefit From Theocratic Ministry School Education (Inglis), pej 71-73. Ol rul ya bambae oli givhan long yumi blong yusum gud ol leta blong kasem ol narafala wetem gud nius.