Ansa Long Wan Kwestin

◼ ?Taem yumi visitim Betel yumi mas putum wanem kaen klos mo mekem hea blong yumi olsem wanem?

Nating se yumi visitim Betel blong lukluk ples no blong go luk wan memba blong Betel famle, be “klos, hea mo ol fasin blong yumi oli mas sem mak olsem taem yumi go wosipim Jeova long ol miting long Haos-Kingdom.” (om 125) Be, mifala i luk se sam brata mo sista oli putum klos blong spel no pleplei nomo taem oli kam long Betel. Hemia i no stret. Yumi mas putum klos we oli stret, we oli soem gudfala eksampol, we oli no blong pulum ae blong man. Klos mo hea blong yumi i mas soem se yumi gat respek mo ona olsem ol man blong Jeova God.—1 Tim. 2:9, 10.

Antap moa, taem yumi visitim Betel, plante man we oli no Witnes oli stap wajem yumi. Olgeta ya oli jajem ol man blong God mo ogenaesesen blong hem from samting we oli luk. I gud we yumi toktok gud wetem ol Baebol studen blong yumi mo ol narafala we oli gat plan blong visitim Betel, blong mekem oli tingbaot se i impoten blong jenis gud mo mekem gud hea blong olgeta. Betel famle i talem tangkiu long yufala we i mekem samting ya.

Yumi ol Kristin minista, yumi mas lukaot gud se fasin blong yumi blong putum klos mo mekem hea i no mekem narafala i foldaon. (2 Kor. 6:3, 4) I moagud we oltaem, klos mo hea blong yumi i soemaot se yumi “stap leftemap tok blong God ya we i sevem yumi, long fes blong ol man.”—Taet. 2:10.