?Yumi Tokbaot Wanem Long Ol Magasin?

Wajtaoa Ogis 1

“Plante man oli bilif se ol samting we i hapen long laef blong olgeta, olsem sik mo akseden, oli saen, mo se oli kamaot long ol dedman we oli stap long ples blong ol spirit man. [Ridim haf 5 long pej 4] ?Yu yu tingting olsemia? [Wet long ansa, nao ridim Revelesen 12:9.] Magasin ya i tokbaot samting we vas ya i talem, se Setan i stap yusum ol giaman tingting long saed blong gudlak mo badlak blong lidim ol man oli go krangke. I impoten blong luk wanem we Baebol i talem long saed blong ol giaman tingting ya.”

Wekap! Jul./Sep. (Bislama)

“Raf fasin long famle i wan bigfala trabol naoia. Traem luk wanem we Baebol i talem long Efesas 5:28-29. [Ridim mo talem smol toktok.] ?Wanem tingting blong yu? ?From wanem ol man oli kilim ol woman? I gat plante risen we oli haed. From samting ya, i gat plante haf blong Wekap! ya we oli tokbaot bisnes ya. [Soemaot haf long pej 6 mo askem man blong karem magasin.]”

Wajtaoa Ogis 15

“?Yu ting se i moa impoten blong stap tru long hu fastaem? [Wet long ansa.] Magasin ya i soemaot se i moa impoten blong stap tru long trufala God. [Soem pej 5, mo ridim 2 Samuel 22:26.] ?Yu yu save se fasin ya blong stap tru long God i save blokem man blong i no mekem nogud long narafala? Mi save se bambae yu harem gud long ol save long magasin ya.”

Wekap! Ogis 22 (Inglis/Franis)

“?Yu yu stap wari se, maet ol doti we man i stap putum long win mo wota mo olbaot long graon, i bitim mak naoia? [Wet long ansa.] Wan bigfala risen blong samting ya, hemia fasin blong man blong westem plante samting. Jisas i tijim long ol man blong hem se oli no mas westem samting. [Ridim Jon 6:12.] Magasin ya i soemaot olsem wanem ol rul blong Baebol oli save givhan long ol famle, blong oli jenisim tingting ya blong sakemaot samting we i gud yet.”