?Yumi Tokbaot Wanem Long Ol Magasin?

Wajtaoa Ogis 15

“Klosap olgeta man oli ting se i impoten blong gat wan gudnem long fored blong ol narafala. Sam man oli stap tingbaot tu se: ?Samfala bambae oli rimemba mi afta we mi mi ded, no nogat? ?Yu yu bin tingbaot samting ya? [Wet long ansa. Nao ridim Prija 7⁠:1.] Wajtaoa ya i tokbaot olsem wanem yumi save gat wan gudnem long fored blong ol man mo God tu.”

Wekap! Ogis 22 (Franis/Inglis)

“Sipos yu no wan famle blong yu i bin kasem trabol ya we narafala i bos strong long yu, ating yu bin harem nogud tumas from. [Wet long ansa.] Wekap! ya i givim ol gudfala advaes long ol man we narafala i bos strong long olgeta. Mo i tokbaot promes blong God se bambae i gat wan taem long fiuja we yumi no moa save kasem trabol ya.” Ridim Maeka 4⁠:4.

Wajtaoa Sept. 1

“Plante man oli harem se ol skul oli defdefren rod nomo blong lidim ol man oli go long wan ples. Be samfala oli bilif se i gat wan trufala skul nomo. ?Yu bin tingbaot samting ya? [Wet long ansa.] Magasin ya i stap tokbaot wan olfala parabol we i save givhan long yumi blong faenem ansa blong kwestin ya.” Tokbaot Matiu 13⁠:​24-30.

Wekap! Jul./Sept. (Bislama)

“God i wokem ol man we oli naf blong jusumaot samting we oli wantem. Sore tumas, sam man oli mekem ol nogud jus mo oli kasem bigfala trabol from. ?Olsem wanem blong yusum gud fasin ya we yumi fri blong jusum wanem we yumi wantem? [Wet long ansa. Nao ridim Galesia 6⁠:7] Pej 12 blong Wekap! ya i tokbaot samting we God i givim long yumi wetem lav, blong halpem yumi blong mekem ol gudfala disisen.”