?Yumi Tokbaot Wanem Long Ol Magasin?

Wajtaoa Ogis 15

“Afta we wan man i ded, plante man oli stap asaskem se ol dedman oli stap olsem wanem. ?Yu yu ting se yumi naf blong kasem save long saed blong ded? [Letem man i ansa.] Magasin ya i eksplenem wanem samting Baebol i talem long saed blong ded. Mo tu, hem i tokbaot promes blong God blong girapem ol famle no fren blong yumi we oli ded finis.” Ridim Jon 5⁠:​28-29.

Wekap! Jul./Sept. (Bislama)

“Sam man oli ting se taem ol ples raon long haos no long taon i doti, hemia i soemaot se ol man long ples ya oli pua. ?Wanem tingting blong yu? [Letem man i ansa. Nao ridim 2 Korin 7⁠:1] Magasin ya i soemaot stret tingting long saed blong bisnes ya, mo wanem samting yumi evriwan i save mekem blong haos mo ol ples raonabaot long yumi i save stap klin.”

Wajtaoa Sept. 1

“Ol man oli leftemap fasin blong stap tru, be plante man tede oli no folem fasin ya. ?Olsem wanem? ?Bambae i gud tumas sipos ol man oli olsem fren ya we Baebol i tokbaot? [Ridim Ol Proveb 17⁠:17. Letem man i ansa.] Magasin ya i tokbaot ol gudfala samting we oli save kamaot taem yumi stap tru long ol famle mo ol fren blong yumi.”

Wekap! Sept. 8 (Inglis/Franis)

“Maet yu yu sapraes taem yu luk se ol samting we God i mekem oli wokgud tugeta. [Talem wan samting we magasin ya i tokbaot.] ?Yu yu sore we ol man oli no joen gud olsem ol samting ya we God i wokem? [Letem man i ansa.] Magasin ya i eksplenem se klosap nao God bambae i putum pis mo fasin joengud long wol.” Ridim Aesea 11⁠:⁠9.