?Yumi Tokbaot Wanem Long Ol Magasin?

Wajtaoa Ogis 15

“Tede, ol man oli lukluk i go long plante defdefren ples blong kasem advaes long saed blong mared mo olsem wanem blong tijim ol pikinini. ?Weples yu ting se yumi save faenem ol advaes we oli stret? [Letem man i ansa.] Wajtaoa ya i tokbaot sam long ol waes advaes long saed blong famle laef we God i givim long yumi ol man.” Ridim Ol Sam 32⁠:8.

Wekap! Ogis 22 (Inglis/Franis)

“?From wanem yu ting se impoten blong ol papa oli intres long laef blong ol pikinini blong olgeta? [Letem man i ansa.] Wekap ya i tokbaot ol problem we i kamaot taem ol papa oli neva stap long haos blong lukluk long laef blong ol pikinini blong olgeta. Hem i eksplenem tu olsem wanem fasin blong ol papa i save gat paoa long laef blong ol pikinini blong olgeta.” Ridim Ol Proveb 13⁠:1.

Wajtaoa Sep. 1

“Yumi evriwan i wantem haremgud. ?Yu yu ting se ol samting we Baebol i tokbaot long ples ya oli rili save karem glad? [Ridim Matiu 5⁠:4a, 6a, 10a long New World Translation no Nyutesteman wetem Ol Sam long Bislama. Letem man i ansa.] Magasin ya i eksplenem mining blong ol tok ya we oli kamaot long Bigfala Toktok blong Jisas antap long hil. Hem i talem tu wanem samting we i save mekem yumi haremgud.”

Wekap! Eprel/Jun (Bislama)

“Plante man oli talem se mared i wan samting we i tabu. Nating se i olsem, plante man tede oli stap divos. [Openem magasin long pej 20.] Haf ya i halpem yumi blong luk se olgeta we oli rili tinghae long mared, oli gat stret tingting mo oli save gat wan gudfala laef.”