?Yumi Tokbaot Wanem Long Ol Magasin?

Wajtaoa Eprel 1

“Pija ya i soem wanem we plante man oli kolem Laswan Sapa. [Soem pija we i stap long fored mo baksaed blong magasin.] ?Yu yu save se lafet ya nomo we Jisas i givim oda se ol Kristin oli mas mekem oltaem? [Letem man i ansa. Nao ridim Luk 22:19.] Magasin ya i eksplenem from wanem i impoten tumas blong mekem lafet ya mo olsem wanem lafet ya i save givhan long yu.”

Wekap! Eprel 8 (Franis/Inglis)

“I nogud tumas blong luk se plante yangfala oli spolem laef blong olgeta from ol drag. ?Yu yu luk samting ya? [Letem man i ansa.] Plante taem trabol i stat taem ol yangfala oli kampani tumas wetem ol rabis fren. [Ridim 1 Korin 15:33.] Wekap! ya i tokbaot moa long saed blong wanem we i stap pulum ol yangfala blong yusum ol drag, mo wanem we ol papa mama oli save mekem blong protektem ol yangfala blong olgeta.”

Wajtaoa Eprel 15

“Long ol yia we oli pas, ol man oli luksave se ol gudfala fasin mo rul we skul i stanemap, oli no moa strong long laef blong ol man. ?Yu yu luksave samting ya? [Letem man i ansa. Nao ridim Ol Sam 119:105.] Ol gudfala fasin mo rul oli save halpem ol man blong blokem plante trabol we oli stap kamaot tede. Magasin ya i soem weples yumi save faenem ol trufala rul mo gudfala fasin we yumi mas folem long laef.”

Wekap! Eprel/Jun (Bislama)

“Profet tok blong Baebol i talem se taem i stap kam we bambae i no moa gat man i save talem se hem i sik. [Ridim Aesea 33:24.] ?Bambae yu glad sipos i no moa gat sik? [Letem man i ansa.] Tede, ol man oli stap kasem plante defdefren sik, wetem rabis sik ya AIDS tu. Wekap! ya i ansarem kwestin ya se: ?Bambae oli winim sik ya AIDS samtaem?”