?Yumi Tokbaot Wanem Long Ol Magasin?
Wajtaoa Ogis 1
“Sam man oli harem oltaem se oli stap olgeta nomo we oli no gat fren, mo se oli nogud nating. ?Yu ting se i gat rod blong winim trabol ya we man i harem nogud tumas long filing blong hem? [Letem man i ansa.] Makemgud ol tok ya we i save leftemap tingting blong yumi, we wan man blong God i raetem long Ol Sam 34:19. Wajtaoa ya i eksplenem olsem wanem yumi save stanap strong tru long ol wari blong ol las dei ya.”
Wekap! Jul./Sept. (Bislama)
Taem yu mitim wan yangfala, yu save talem se: “Plante yangfala olsem yu oli tingting blong mared. ?Yu ting se weples nao yu save faenem ol gudfala advaes long saed blong mared? [Letem man i ansa.] Makem se hu nao i stamba blong mared. [Ridim Matiu 19:6.] Magasin ya i tokbaot sam rul blong Baebol we oli save givhan long yumi blong mekem wan mared we i hapi.”
Wajtaoa Ogis 1
“Plante man oli faenem i had blong kasem save tingting ya se yumi mas fraet long God. Long tingting blong olgeta, fraet i wan nogud filing. ?Wanem tingting blong yu? [Letem man i ansa.] Makemgud ol tok blong Baebol long Ol Proveb 9:10, (NW ) we i soemaot se fasin blong fraet long God i wan gudfala samting. Magasin ya i eksplenem wanem mining blong tok ya fraet long God, mo olsem wanem fasin ya i save karem glad i kam long yumi.”
Wekap! Ogis (Franis/Inglis)
“Yumi evriwan i wantem se helt blong yumi i gud. ?Yu yu save se plante dokta tede oli no moa strong blong givim blad long ol man? [Wet long ansa.] Wekap! ya i eksplenem from wanem i olsem. Hem i talem ol tok blong Baebol tu blong soemaot from wanem God i tingbaot blad olsem wan sas samting.” Ridim Levitikas 17:11.