?Yumi Tokbaot Wanem Long Ol Magasin?

Wajtaoa Julae 1

“Taem mifala i storian long ol man raonabaot long yumi, mifala i faenemaot se sam long olgeta oli trastem God. Sam narafala i had blong oli bilif long God. ?Wanem tingting blong yu? [Letem man i ansa.] Mi glad blong soem long yu samting we Baebol i talem long saed blong God. [Ridim Ol Sam 139:14.] Taem yumi luk ol samting raonabaot long yumi we God i wokem, yumi luksave se hem i gat bigfala paoa.” Tokbaot haf ya we i stap long pej 11.

Wekap! Jul./Sept. (Bislama)

“Plante man oli stap traehad blong mekem ol gudfala fasin from we oli ting se hemia i impoten. ?Yu tu yu ting olsem? [Letem man i ansa.] Tingbaot trabol we yumi save kasem sipos fasin we yumi ting se i gud i no laenap wetem tingting blong God. [Ridim Ol Proveb 14:12.] Wan haf blong magasin ya i tokbaot se i minim wanem blong stap olsem wan gudfala man long fes blong God.” Tokbaot haf we i stap long pej 16.

Wajtaoa Ogis 1

“Mi wantem askem tingting blong yu long saed blong tok ya we aposol Pol i raetem. [Ridim Galesia 5:16.] ?Yu ting se tabu spirit blong God i save halpem yumi? [Letem man i ansa.] Magasin ya i soemaot mining blong tok ya ‘letem tabu spirit i lidim yu.’ ” 

Wekap! Jul./Sept. (Bislama)

“Mi wantem askem tingting blong yu long wanem we Baebol i talem long ples ya. [Ridim 1 Timoti 6:10.] ?Yu ting se olgeta we oli laekem mane tumas mo oli wantem gat plante samting, oli save harem nogud from? [Letem man i ansa.] Magasin ya i eksplenem ol nogud frut we man i save kasem sipos hem i laekem mane tumas mo i wantem plante samting.” Tokbaot haf we i stap long pej 10.