?Yumi Tokbaot Wanem Long Ol Magasin?

Wajtaoa Julae 15

“Long ol taosen yia we i pas, ol man oli mekemap plante defren bilif. ?Yu yu ting se yumi naf blong save olgeta we oli tru mo olgeta we oli giaman? [Letem man i ansa.] Magasin ya i tokbaot weples yu save faenem trufala tijing we God i glad long hem.” Ridim 2 Timoti 3⁠:⁠16.

Wekap! Jul./Sept. (Bislama)

“Yumi sore tumas blong luk trabol we ol disasta long saed blong weta oli mekem. [Tokbaot wan trabol olsem we i hapen long ples blong yufala.] ?Yu yu ting se ol disasta olsem oli stap kam plante moa? [Letem man i ansa.] Magasin ya i givim ansa blong kwestin ya. Mo tu, hem i talem ol gudfala toktok blong leftemap tingting blong olgeta we oli bin lusum sam fren no famle blong olgeta long ol disasta olsem.” Ridim Jon 5⁠:​28, 29.

Wajtaoa Ogis 1

“Plante man oli traehad blong winim filing ya we oli ting nating long olgeta wan. ?Yu ting se yumi save mekem wanem blong givhan long olgeta? [Letem man i ansa.] Magasin ya i tokbaot olsem wanem Baebol i save halpem ol man olsem, blong oli faenem trufala glad.” Tokbaot ol vas we oli stap long blak raeting long haf ya “Baebol i Save Halpem Yu Blong Faenem Glad.”

Wekap! Ogis 8 (Inglis/Franis)

“Plante man oli fraet oltaem nomo. ?Yu ting se wanem nao i mekem we oli fraet olsem? [Letem man i ansa.] Magasin ya i givim gudfala advaes we i givhan long yumi blong blokem ol denja. Hem i tokbaot promes blong Baebol tu, long saed blong taem ya we bambae i no moa gat samting long wol ya blong mekem man i fraet.” Ridim Aesea 11⁠:⁠9.