?Yumi Tokbaot Wanem Long Ol Magasin?

Wajtaoa Julae 15

“Sipos nius tede i tokbaot samting olsemia [soem pija long kava blong magasin], ating bighaf blong ol man bambae oli no save bilivim. ?Wanem tingting blong yu? [Wet long ansa. Ridim Mak 4⁠:39.] ?Wanem samting i soemaot se ol merikel we Jisas i mekem oli tru? Wajtaoa ya i ansa long kwestin ya.”

Wekap! Julae 22 (Inglis/Franis)

“Long wol tede, ol man blong brekem loa oli stap wokem ol niufala plan blong trikim ol man mo stilim mane blong olgeta. ?Yu yu wari long samting ya? [Wet long ansa.] Wekap! ya i tokbaot sam samting we yumi save mekem blong no foldaon long ol trik blong ol man we oli traem stilim mane blong yumi.” Ridim Ol Proveb 22⁠:3.

Wajtaoa Ogis 1

“From we ol man oli serseraot tumas, samfala oli ting se i gat wan rod nomo blong putum pis long wol, hemia se i mas gat wan gavman nomo i rul long fulwol. ?Yu ting se samting ya i save hapen? [Wet long ansa. Nao ridim Daniel 2⁠:44.] Magasin ya i tokbaot samting we Kingdom blong God i stap mekem naoia, mo olsem wanem bambae i putum pis long wol i no longtaem.”

Wekap! Jul./Sept. (Bislama)

“Klosap olgeta man oli save stori blong Moses. ?Be yu yu save se Moses i bin talem wan samting we i gat paoa long laef blong yumi tede? [Wet long ansa. Nao ridim Dutronome 18⁠:15.] Wekap! ya i talem hu nao profet we vas ya i tokbaot, mo wanem we bambae hem i mekem blong givhan long ol man.”