?Yumi Tokbaot Wanem Long Ol Magasin?

Wajtaoa Julae 1

“Wan long ol impoten nid we yumi ol man yumi gat, hemia blong harem se man i laekem yumi, mo blong yumi soem lav long narafala tu. [Ridim smol tok we i stap aninit long pija long pej 4.] ?Be yu luk se wol tede i pulum ol man blong ting se ol narafala samting oli impoten moa? [Letem man i ansa.] Magasin ya i tokbaot trufala lav se i olsem wanem, mo olsem wanem man i save wokem fasin ya.” Ridim 1 Korin 13⁠:2.

Wekap! Julae 8 (Franis/Inglis)

“Plante man oli wari lelebet taem oli harem nius blong fasin stronghed we i kam antap. [Talem wan stori we ol manples oli save, mo letem man i talem tingting blong hem.] Magasin ya i tokbaot ol samting we oli lidim man blong mekem stronghed. Mo tu, hem i soem olsem wanem God bambae i finisim olkaen fasin blong brekem loa mo stronghed fasin blong olwe.” Ridim Ol Sam 37⁠:​10, 11.

Wajtaoa Julae 15

“Plante man long wol oli luksave se naoia ol man oli no moa joen plante wetem ol narafala man. ?Yu yu ting se i waes blong stap yumi wan nomo? [Letem man i ansa.] Tingbaot waestok ya we Baebol i givim blong soem se man i nidim ol fren. [Ridim Prija 4⁠:​9, 10.] Magasin ya i tokbaot from wanem yumi evriwan i nidim narafala mo olsem wanem yumi save winim ol problem we oli kamaot from fasin ya blong stap yumi wan nomo.”

Wekap! Jul./Sept. (Bislama)

“Plante man tede oli stap livim jos blong olgeta blong mekem wosip long God long prapa wei blong olgeta. ?Wanem tingting blong yu long saed ya? [Letem man i ansa.] Baebol i soemaot se fasin blong yumi blong wosip i rili impoten long ae blong God. [Ridim Jon 4⁠:24.] Wekap! ya i tokbaot beswan rod blong kasem ol samting we yu nidim long saed blong spirit.”