Wajtaoa LAEBRI LONG INTENET
Wajtaoa
LAEBRI LONG INTENET
Bislama
  • BAEBOL
  • OL BUK
  • OL MITING
  • km 10/06 p. 8
  • Kasem Gudfala Help From Ol Miting Blong Prij

I no gat video yet long haf ya.

Sori, i gat problem taem i stap lodem video ya.

  • Kasem Gudfala Help From Ol Miting Blong Prij
  • Kingdom Wok Blong Yumi—2006
  • Sem Samting
  • Stret Rod Blong Mekem Miting Blong Prij
    Kingdom Wok Blong Yumi—2015
  • Ol Miting Blong Wok Blong Prij
    Kingdom Wok Blong Yumi—2009
  • Ansa Long Wan Kwestin
    Kingdom Wok Blong Yumi—2001
  • Haf 3: Oli Ples Blong Mekem Miting Blong Prij
    Kingdom Wok Blong Yumi—1991
Luk Moa Samting
Kingdom Wok Blong Yumi—2006
km 10/06 p. 8

Kasem Gudfala Help From Ol Miting Blong Prij

1. ?Olsem wanem ol miting blong prij oli save givhan long yumi?

1 Ol miting blong prij oli leftemap tingting blong yumi bifo we yumi go prij, mo oli givim ol save we yumi save yusum long wok blong prij. Ol miting ya oli givim janis long yumi blong joen wetem ol narafala pablisa, nao taem yumi prij wetem olgeta, yumi save givgivhan long yumi mo trenem yumi. (Prov. 27:17; Pri. 4:​9, 10) ?Yumi mas mekem wanem blong ol miting ya oli givhan gud long yumi?

2. ?Brata we i lidim miting blong prij i save tokbaot wanem?

2 Brata We i Lidim: I no gat wan plan blong ol save we bambae yumi tokbaot long ol miting ya. Taswe, sipos yu lidim miting ya, yu mas rere gud fastaem. Yu save tokbaot vas blong dei sipos i laenap wetem wok blong prij. Be yu no mas gat tingting se bambae yu tokbaot vas blong dei long evri taem we yu mekem miting blong prij. Tingbaot ol save we olgeta we oli go prij long dei ya oli save yusum. Maet yu wantem tokbaot wan fastok no mekem wan pleplei folem fastok ya. Yu save lukluk bakegen sam haf blong Reasoning buk, Ministry School buk, no wan haf blong Miting Blong Kingdom Wok. Long narafala taem, maet yu save tokbaot olsem wanem blong winim wan problem we i save kamaot long wok blong prij. Sipos long dei ya plante pablisa bambae oli gobak blong luk ol visit, yu save tokbaot olsem wanem blong mekem intres blong man i gru mo statem wan Baebol stadi. Nomata wanem poen we bambae yu tokbaot, be yu mas pulum intres blong ol pablisa mo leftemap tingting blong olgeta.

3. ?Miting ya i mas longfala olsem wanem, mo long en blong miting ya wanem samting i mas klia long tingting blong evriwan?

3 Yu mas statem miting long stret taem, nating sipos yu save se samfala bambae oli kam let. Yu mas yusum fasin luksave taem yu seraot ol brata sista oli go long ol grup, mo yu mas givim teritori long olgeta we oli nidim. Miting ya i mas gohed blong 10 no 15 minit nomo. Sipos miting blong prij hem i afta long wan miting blong kongregesen, hem i mas sotfala moa. Bifo we miting blong prij i finis, evri pablisa oli mas save se oli prij wetem hu, mo weples bambae oli go prij long hem. I mas gat wan prea long en blong miting ya.

4. ?Wanem bambae i givhan long evriwan blong oli kasem gudfala help long ol miting blong prij?

4 Yufala i Save Givhan: Sipos yumi kam long miting long stret taem, yumi soem respek long Jeova mo yumi soem se yumi tingbaot ol narafala. Hemia i sem mak long olgeta miting blong kongregesen, mo long ol miting blong prij tu. Yufala i mas traehad blong givim ansa long ol miting ya. Yufala i save letem brata we i lidim miting ya i talemaot hu bambae yufala i wok wetem. Sipos no, bifo long miting blong prij, yufala i save mekem plan wetem wan narafala blong prij wetem hem. Sipos yu yu laekem moa blong mekem plan wetem narafala, yu mas traehad blong “openem hat” blong yu moa. Blong mekem olsem, yu mas prij wetem evri pablisa, be i no oltaem wetem ol fren blong yu nomo. (2 Kor. 6:​11-13, NW ) Taem miting blong prij i finis, yufala i no mas jenisim ol plan we brata blong lidim miting ya i mekem finis. Yufala i mas aot kwiktaem blong go long teritori.

5. ?Wanem mak blong ol miting blong prij?

5 Mak blong ol miting blong prij i sem mak long hemia blong ol miting blong kongregesen. Ol miting ya oli stap blong yumi “tingbaot yumi, blong yumi givgivhan long yumi blong mekem yumi strong [“long lav mo long ol gudfala wok,” NW ].” (Hib. 10:​24, 25) Sipos yumi traehad blong letem ol miting ya oli givhan long yumi, bambae yumi kasem help blong mekem gud wok blong prij​—!yes hemia i rili wan “gudfala wok”!

    Ol buk long Bislama (1987-2026)
    Logaot
    Login
    • Bislama
    • Serem
    • Setemap Olsem Yu Wantem
    • Copyright © 2025 Watch Tower Bible and Tract Society of Pennsylvania
    • Ol Rul
    • Privacy Policy
    • Privacy Settings
    • JW.ORG
    • Login
    Serem