?Yumi Tokbaot Wanem Long Ol Magasin?

Wajtaoa Ogis 1

“Mi wantem save tingting blong yu long wanem we vas ya i talem. [Ridim Luk 12:15.] ?Yu yu agri se fasin blong wantem samting blong narafala man i wan nogud fasin? [Letem man i ansa.] Magasin ya i tokbaot from wanem yumi mas ‘blokem olgeta fasin ya blong wantem samting blong narafala man.’ ” Tokbaot haf ya we i stat long pej 23.

Wekap! Jul/Sep. (Bislama)

“Plante man oli wantem blong gat gudfala helt mo longfala laef. ?Be, sipos samting ya i save kamtru, yu yu glad blong laef foreva? [Letem man i ansa. Biaen, ridim Revelesen 21:3, 4.] Magasin ya i tokbaot olsem wanem yumi save kasem laef blong olwe mo i talem se laef bambae i olsem wanem taem promes ya i kamtru.” Tokbaot haf ya we i stat long pej 8.

Wajtaoa Sep. 1

“Plante man oli harem se ‘Oltesteman’ i givim plante save long saed blong histri nomo. Oli no ting se ol advaes blong hem oli stret tede. ?Wanem tingting blong yu? [Letem man i ansa. Biaen, ridim Rom 15:4.] Magasin ya i soemaot olsem wanem ‘Oltesteman’ i gat ol gudfala advaes we oli givhan long laef blong man mo i save givim wan trufala hop long fiuja.”

Wekap! Jul/Sep. (Bislama)

“Yumi evriwan i wantem se yumi mo ol pikinini blong yumi, yumi gat wan gudfala laef. Be plante man oli harem se oli no gat paoa blong mekem laef blong olgeta i kamgud olsem. ?Yu yu ting se yumi save bos long fiuja blong yumi? [Letem man i ansa.] Magasin ya i givim tingting blong Baebol se yumi gat paoa blong kasem wan gudfala laef, be fiuja blong yumi i dipen nomo long ol desisen we yumi stap mekem naoia.” Ridim Dutronome 30:19 mo tokbaot haf we i stat long pej 18.