?Yumi Tokbaot Wanem Long Ol Magasin?

Wajtaoa Ogis 1

“?Yu ting se i gat wan man we i sore long ol puaman mo olgeta we oli sot long sam samting? [Yu save letem man i ansa. Biaen yu save openem Baebol long Ol Sam 72:12, 13.] Magasin ya i soemaot olsem wanem Jisas bambae i mekem promes ya i kamtru.” Yu save soem haf we i stat long pej 28.

Wekap! Julae-Septemba

“?Long tingting blong yu, i stret we yumi pem ol man from ol wok we oli mekem long jos? [Yu save letem man i ansa. Biaen yu save ridim Matiu 10:7, 8.] Magasin ya i talemaot ol tok blong Baebol long saed ya.” Yu save soem haf we i stat long pej 22.

Wajtaoa Septemba 1

“Plante man oli fraet se wan niuklia faet, no ol jenis long saed blong weta, bambae i spolem wol. ?Wanem tingting blong yu? ?Samting ya bambae i hapen? [Yu save letem man i ansa.] Yu save luk ol tok blong Baebol long saed ya. [Yu save ridim Revelesen 11:18.] Magasin ya i givim ansa long fo kwestin we plante man oli askem long saed blong en blong wol.”

Wekap! Julae-Septemba

“?Long tingting blong yu, Baebol i save halpem yumi, blong yusum gud mane blong yumi? [Yu save letem man i ansa. Biaen yu save ridim Prija 7:12.] Mane i save lukaot long yumi long sam samting. Be waes blong God long Baebol, hemia nomo i save lukaot gud long yumi blong olwe.” Tokbaot sam eksampol long haf we i stat long pej 20.