Yumi No Letem Oli Hivap i Stap, Be Yumi Mas Yusum Gud
Long plante kongregesen, i gat ol olfala buk mo magasin we oli hivap i stap long stok blong kongregesen. ?From wanem yu no tekemaot wanwan kopi blong ol buk mo magasin ya, blong yu save yusum olsem laebri? I tru, ating yu save ridim ol olfala buk mo magasin ya long Watchtower Library (CD-ROM) blong yu. Be, i gud tu blong gat ol buk olsem. ?Yu yu stap mekem stadi long wan man we i stap gohed gud? Ale, i gud yu talem long hem blong karem sam long ol olfala buk mo magasin ya, blong hem i save yusum olsem laebri blong hem. Elda we i lukaot long Tiokratik Skul, i mas meksua se long laebri blong Haos Kingdom i gat evri kopi blong ol olfala buk mo magasin we oli stap long stok blong kongregesen. Insaed long ol buk mo magasin ya, yumi save faenem plante gudgudfala save. !Taswe, i moa gud we yumi yusum gud olgeta, i bitim we yumi hivimap olgeta oli stap long ples blong ol buk mo magasin long kongregesen!