Wan Gudfala Rod Blong Harem Gud Long Ol Singsing Blong Kingdom
Ol man blong God oli luk se miusik i wan nambawan presen we Jehova i givim. (Jem. 1:17) Plante kongregesen oli harem gud long ol singsing blong Kingdom, we i plei slo nomo bifo mo afta long ol miting blong kongregesen. Taem yumi kam long ol miting mo yumi harem miusik we i blong presem Jehova, yumi harem gud tumas. Miusik ya i givhan long yumi blong rerem tingting blong yumi blong wosipim Jehova. Mo taem yumi harem ol niufala singsing we oli stap long singbuk, hemia i mekem se yumi save gud tiun blong ol singsing ya mo yumi singsing gud long olgeta. Afta long ol miting, miusik ya i save mekem yumi harem gud blong joen wetem ol Kristin brata sista long Haos Kingdom, mo yumi lefleftemap tingting blong yumi. Kampani blong ol elda i mas mekem plan se bambae oli plei CD ya Sing to Jehovah—Piano Accompaniment bifo mo afta long miting. Ol elda oli mas meksua se miusik i no laod tumas, nao olgeta long miting oli no save storian gud.