DVD Ya “Young People Ask —How Can I Make Real Friends?”
Jehova i mekem ol man blong oli wok wanples mo oli fren gud. (Prov. 17:17; 18:1, 24) Be sipos yumi wantem se yumi mo ol fren blong yumi, yumi givgivhan long yumi, yumi mas jusum gud ol fren blong yumi. (Prov. 13:20) Afta we yu wajem DVD ya Young People Ask—How Can I Make Real Friends?, yu traem ansa long ol kwestin ya.
Fas Haf:
(1) ?Wan tru fren i olsem wanem?
Ol Samting We i Blokem Yu Blong No Fren Wetem Narafala:
(2) ?Yumi save mekem wanem blong winim tingting ya se ol narafala oli no tingbaot yumi mo yumi no gat fren? (Fil. 2:4) (3) ?From wanem yumi mas rere blong kamgud moa long fasin blong yumi, mo hu i save halpem yumi blong mekem olsem? (2 Kor. 13:11) (4) ?Yumi save mekem wanem blong yumi gat plante moa fren?—2 Kor. 6:13, NW.
Fren Wetem God:
(5) ?Yumi save mekem wanem blong yumi fren moa wetem Jehova, mo from wanem traehad we yumi mekem i no blong nating? (Sam 34:8) (6) ?Taem Jehova i kam bes fren blong yumi, yumi save fren wetem ol man olsem wanem?
Ol Fren We Oli No Stret:
(7) ?Hu ya ol fren we oli no stret? (1 Kor. 15:33) (8) ?Ol nogud fren oli save mekem wanem blong pulum wan Kristin blong i no moa fren gud wetem God?
Wan Stori We Oli Aktem:
(9) ?Yumi lanem wanem long stori blong Daena long Baebol? (Jen. 34:1, 2, 7, 19) (10) ?Tara i talem wanem blong mekem eskius from fasin blong hem blong joen wetem ol yangfala blong wol? (11) ?Ol fren blong skul oli pulum Tara, nao klosap hem i kasem wanem trabol? (12) ?From wanem papa mo mama blong Tara, tufala i no luksave se hem i stap long denja? ?Mo tufala i givhan olsem wanem long hem, blong bilif blong hem i kam strong bakegen? (13) ?Wan sista we i paenia i soemaot olsem wanem se hem i wan tru fren blong Tara? (14) ?Tara i lanem wanem?
Las Haf:
(15) ?Yu yu lanem wanem long DVD ya? (16) ?Yu save yusum DVD ya olsem wanem blong halpem ol narafala?
I gud we yumi jusum ol fren we bambae oli givhan long yumi blong fren gud wetem Jehova oltaem. !Hem i besfren we yumi save gat!—Sam 15:1, 4; Aes. 41:8.