Ol Niufala Haf We Bambae Oli Kamaot Long Wajtaoa

Long fas Sarede blong evri manis, yumi stap yusum wan haf blong Wajtaoa blong statem ol Baebol stadi. Haf ya hemia “Yumi Lanem Samting Long Tok Blong God.” Be stat long manis Jenuware, haf ya bambae i no moa gat. Wan narafala haf bambae i tekem ples blong hem, hemia “Baebol i Ansa.” Haf ya bambae i kamaot long las pej blong Wajtaoa blong pablik. Yumi save yusum haf ya “Baebol i Ansa” long wok blong prij, sem mak olsem we yumi stap yusum haf ya “Yumi Lanem Samting Long Tok Blong God.” Olsem oltaem, long ol Kingdom Wok Blong Yumi, bambae i gat wan fastok blong givhan long yumi blong yusum haf ya long fas Sarede blong manis.