Websaet Ya i Save Givhan Taem Yu Stadi Yu Wan Mo Wetem Famle

Yu Ridim Ol Niufala Magasin Long Intenet: Yu save ridim ol niufala Wajtaoa mo Wekap! long Intenet sam wik bifo we yumi kasem long kongregesen. Yu save lesin long riding blong ol magasin ya tu.—Yu go long “Ol Buk/Magasin.”

Sam Samting We Yu Save Ridim Long Intenet Nomo: I gat sam haf we oli stap kamaot oltaem long ol magasin blong yumi olsem, “Ol Yangfala,” “Pija Blong Tijim Pikinini,” “Samting Blong Famle i Tokbaot,” mo “Ol Yangfala Oli Askem.” Be naoia bambae oli stap long Intenet nomo. Yu save yusum ol haf ya blong stadi wetem famle blong yu no taem yu stadi yu wan.—Yu luk long “Baebol Tijing/Pikinini” no “Baebol Tijing/Yangfala.”

Yu Ridim Ol Nius We Oli Jes Kamaot: Yu save ridim ol ripot, ol stori, mo yu save wajem ol video we oli soemaot ol wok we i stap gohed long olgeta ples long wol. Bambae i gat sam nius we i tokbaot ol disasta mo fasin we ol man oli stap mekem agensem ol brata mo sista blong yumi. Ol nius ya bambae oli givhan long yumi blong tingbaot ol brata mo sista blong yumi we oli kasem trabol ya, taem yumi prea. (Jem. 5:16)—Yu luk long “Nius.”

Yu Yusum Laebri Long Intenet: Sipos Laebri Long Intenet i stap long lanwis blong yu, yu save yusum kompiuta no mobaelfon blong yu blong ridim vas blong dei. Mo tu, yu save lukaot moa save long ol buk blong yumi we oli jes kamaot.—Yu luk long “Ol Buk/Laebri Long Intenet,” no yu save raetem www.wol.jw.org long ples we yu bin raetem Websaet long hem fastaem.

[Diagram long pej 4]

(Lukluk niuspepa)

Yu Traem

1 Yu klik long pija no long tok ya “Daonlodem.” Ale yu save printim pija ya mo yusum blong tijim pikinini blong yu.

2 Yu klik long tok ya “Play” nao yu save wajem video.