Ol Fastok

Blong Statem Ol Baebol Stadi Long Fas Sarede Blong Manis Septemba

“Yumi evriwan i stap mekem mastik. ?Yu yu tingbaot finis wanem samting we yumi mas mekem blong God i fogivim yumi?” [Letem man i ansa.] Yu soemaot haf we i stap long pej 11 long Wajtaoa blong Julae–Septemba, mo yutufala i tokbaot haf ya aninit long seken kwestin, mo yutufala i ridim wan no tu vas. Yu givim magasin mo yu mekem plan blong gobak bakegen blong ansa long nekis kwestin.

Wajtaoa Julae–Septemba

“Wan long ol stori blong Baebol we yumi save gud, hemia stori blong Noa mo bigfala wota we i ron. ?Yu yu ting se bigfala wota i bin ron bifo? [Letem man i ansa.] I gud blong tingbaot se Baebol i tokbaot stori ya olsem wan tru samting we i hapen. [Ridim 2 Pita 3:3-6.] Wajtaoa ya i soemaot samting we yumi save lanem long laef blong Noa.” Yu tokbaot kwiktaem haf we i stap long pej 12.

Wekap! Julae–Septemba

“?Wanem samting we i had long ol papa mo mama, taem oli stap tijim ol pikinini blong olgeta? [Letem man i ansa.] Plante papa mo mama oli lukaotem advaes long Baebol. Hemia wan long ol advaes we i givhan gud long olgeta blong tijim ol pikinini. [Ridim Efesas 4:31.] Wekap! ya i tokbaot sam advaes blong Baebol we i save givhan long ol papa mo mama blong tijim ol yangfala blong olgeta.” Yu tokbaot kwiktaem haf we i stap long pej 12.