Ol Fastok

Fastok Blong Singaot Ol Man Oli Kam Long Memoriol

“Mifala i pas smoltaem blong talemaot wan miting we bambae i stap long 14 Eprel, blong tingbaot ded blong Jisas. Samfala bambae oli kam long miting ya from we oli luksave se ded blong Jisas i impoten. Be sam narafala oli no kasem save gud se ded blong Jisas i mekem wanem long yumi. ?Yu yu ting se ded blong Jisas i save mekem i gud long yumi? Yu letem man i ansa. [Yu givim wan pepa blong Memoriol long hem.] Long miting ya, bambae i gat wan tok we i eksplenem ol gudfala samting we yumi kasem from ded blong Jisas. Miting ya i fri nomo. Pepa ya i soemaot ples mo taem blong miting ya.”

Wekap! Jenuware–Maj

“?Yu ting se i impoten we yumi fogivim ol narafala? [Yu letem man i ansa.] Yu traem luk samting we aposol Pol i talem. [Yu ridim Kolosi 3:13.] Wajtaoa ya i soemaot from wanem i impoten blong fogivim narafala.” Yu soem haf we i stap long pej 11.

Wekap! Jenuware–Maj

“Sam man oli ting se ol rul blong Baebol we oli agensem nogud fasin blong man wetem woman, oli olfala mo oli stap blokem ol man blong oli no mekem samting we oli wantem. Sam narafala man oli agri long samting we Baebol i talem. ?Wanem tingting blong yu? [Yu letem man i ansa.] Yu traem luk vas ya. [Yu ridim 2 Timoti 3:16.] Wekap! ya i tokbaot samting we ol papa mo mama oli save mekem blong protektem pikinini blong olgeta, long fasin ya blong sanem ol doti mesej long mobaelfon.” Yu soem haf we i stap long pej 6.