Ol Fastok

Fastok Blong Singaot Ol Man Oli Kam Long Memoriol

“Mifala i wantem singaot yu yu kam long wan impoten miting. Long namba 3 Eprel, plante milian man raon long wol bambae oli joen blong tingbaot ded blong Jisas Kraes. Mo bambae oli lesin long wan tok we i kamaot long Baebol blong tokbaot olsem wanem ded blong Jisas i save mekem i gud long yumi. Miting ya i fri nomo. Long pepa ya, yu save luk ples mo taem blong miting ya.”

Wajtaoa Jenuware–Maj

“Plante man oli agri se God i waes moa i bitim ol man, mo oltaem yumi mas folem ol advaes blong hem long Baebol. ?Yu ting se ol advaes long Baebol oli save givhan long yumi blong gat wan gudfala laef? [Yu letem man i ansa.] God hem wan i talem se Tok blong hem i olsem wan laet we i save lidim yumi long rod we i tudak. [Yu ridim Ol Sam 119:105.] Wan bigfala problem we plante man oli stap kasem tede, hemia blong mekem bigfala kaon. Magasin ya i tokbaot olsem wanem ol advaes blong Baebol oli save givhan long yumi blong winim problem ya.”

Wekap! Jenuware–Maj

“Mifala i stap soemaot magasin ya long ol man. Tede yumi luk se plante man oli no klin long laef blong olgeta. ?Yu ting se God i tinghae long fasin ya blong stap klin? [Yu letem man i ansa, mo yu soemaot haf we i stap long pej 14.] Long magasin ya, i gat ol vas blong Baebol we oli soemaot se God i wantem we yumi klin long bodi, fasin, mo tingting. Hemia samting we Baebol i talem. [Yu ridim 2 Korin 7:1.] Magasin ya i tokbaot ol samting we i save kamaot taem yumi traehad blong stap klin long fes blong God.”