Ol Fastok

Fastok Blong Singaot Ol Man Oli Kam Long Memoriol

“Mifala i wantem singaot yu yu kam long wan impoten miting. Long namba 14 Eprel, plante milian man raon long wol bambae oli joen blong tingbaot ded blong Jisas Kraes. Mo bambae oli lesin long wan tok we i kamaot long Baebol blong tokbaot olsem wanem ded blong Jisas i save mekem i gud long yumi. Miting ya i fri nomo. Long pepa ya, yu save luk ples mo taem blong miting ya.”

Wajtaoa Eprel–Jun

“Plante man oli wantem tumas blong stap long taem ya we bambae i no moa gat faet. ?Yu ting se wan dei bambae i gat pis long wol? [Yu letem man i ansa.] Yu traem luk promes ya blong Baebol. [Ridim Ol Sam 46:9.] Wajtaoa ya i eksplenem se ol trabol we oli hapen stat long Wol Wo Wan oli soemaot se i no longtaem God bambae i mekem ol promes blong hem oli kamtru.”

Wekap! Eprel–Jun

“Tede ol famle oli fesem plante problem. ?Yu yu luk se samting ya i tru? [Yu letem man i ansa.] I gat wan waes tok blong Baebol we i save givhan long ol famle blong oli joen gud. [Ridim Ol Proveb 24:3.] Plante famle oli luksave se Baebol i stamba blong waes. Wekap! ya i tokbaot wan Websaet we i gat plante samting blong givhan long famle blong yu.”