“!Mi No Save Faenem Hem Long Haos Blong Hem Bakegen!”

?Yu yu talem tok olsem from wan man we fastaem i soem intres? Nating se yu traehad plante taem blong visitim man ya, be yu no save putum wota long sid blong trutok we yu planem. (1 Kor. 3:6) Samtaem ol pablisa we oli gat ekspiriens long saed ya, oli raetem leta long man we oli no save faenem hem long haos, no oli lego wan smol not long doa blong hem. Sam pablisa oli tingbaot fastaem, samting we i save kamaot sipos man i no stap long haos taem oli mekem visit, ale oli askem namba blong telefon blong man ya, no maet oli askem se, “?Yu yu save olsem wanem blong teks?” Taem yumi raetem wan leta, yumi imel, yumi sanem wan teks mesej, yumi lego wan smol not, no taem yumi ring long man, maet yumi save kaontem olsem wan visit blong yumi. Nating sipos man ya i stap wanwan taem nomo long haos, be yumi save mekem hem i intres moa long trutok.