Wan Niufala Tul Blong Mekem Risej

Plante milian pablisa raon long wol, oli yusumgud buk ya Watch Tower Publications Index blong mekem risej long hem. I gat plante samting we buk ya i tokbaot, taswe oli tanem buk ya i go long sam lanwis nomo. From samting ya, oli wokem buk ya, Buk Blong Mekem Risej long samwe 170 lanwis. Ol refrens we oli stap insaed long Buk Blong Mekem Risej, oli kamaot afta long yia 2000. Buk ya oli no printim long ol lanwis we oli gat Watch Tower Publications Index. Be oli ademap long Watchtower Library mo LAEBRI—LONG INTENET. Buk Blong Mekem Risej, bambae i givhan long yu blong lukaot ol ansa blong ol kwestin we oli kamaot long Baebol. Mo tu, yu save yusum buk ya blong mekem risej, long wan samting we yu wantem save, mo long ol haf blong miting mo famle wosip.