Kamgud Moa Long Wok Blong Prij​—Yu Yusum Video Blong Prij

?FROM WANEM I IMPOTEN?

Ol video i save tajem hat blong man taem hem i luk mo i harem. Mo tu, i save pulum man blong i lesin mo i no fogetem ol samting we hem i luk. Jehova i soemaot wan gudfala eksampol taem hem i yusum ol samting we man i luk blong tij.​—Wok 10:9-16; Re 1:1.

Ol video ya ?Wanem Nem Blong God?, ?Baebol i Kamaot Long Hu?, mo ?From Wanem Yumi Bilif Se Baebol i Kamaot Long God? oli joen wetem lesen 2 mo 3 blong buklet ya Gud Nius We i Kamaot Long God. Ol narafala video olsem ?From Wanem Yu Mas Stadi Baebol?, ?Oli Mekem Baebol Stadi Olsem Wanem?, mo ?Wanem i Stap Hapen Insaed Long Haos Kingdom? oli leftemap tingting blong wan man blong i stadi Baebol mo i kam long ol miting. Mo i gat sam narafala video tu we yu save yusum blong tijim ol Baebol stadi blong yu.​—km 5/13 pej 3.

?YU MEKEM OLSEM WANEM?

• Yu daonlodem fastaem video we yu wantem soem long man blong haos

• Yu rerem wan no tu kwestin we ansa blong hem i stap long video

• Yu soem video long hem

• Yu tokbaot ol impoten poen

YU TRAEM MEKEM SAMTING YA:

• Yu soem las pej blong wan traket mo yu soem code we i stap, we i pulum man blong lukluk video ya ?From Wanem Yu Mas Stadi Baebol?

• Soemaot video ya ?From Wanem Yumi Bilif Se Baebol i Kamaot Long God? mo tokbaot smol, lesen 3 long Gud Nius buklet