?Olsem Wanem Blong Yusum Buk Ya What Can the Bible Teach Us?

Buk ya Teach Us we i no gat long Bislama yet, mo buk ya Baebol Tijim, tufala i klosap sem mak. Tufala tugeta i tokbaot sem trutok mo ol japta oli folem sem oda. Be buk ya Teach Us i yusum ol toktok we i isi moa blong kasem save. Hem i blong olgeta we oli faenem i had blong kasem save long Baebol Tijim. I no gat diksonari long en blong buk ya Teach Us, be i gat ol not (Endnotes) we oli eksplenem sam wod mo tingting long buk ya. I no gat ol kwestin long stat blong ol japta, mo i no gat bokis blong tingting bak long en blong ol japta. Be long en blong evri japta, i gat wan lis blong ol trutok blong Baebol (Summary) we yumi lanem long japta ya. Yumi save givimaot buk ya Teach Us enitaem nomo, olsem yumi mekem wetem Baebol Tijim, nating se i no buk we yumi seremaot long manis. ?Olsem wanem yumi save yusum buk ya Teach Us blong mekem wan Baebol stadi?

SUMMARY: Taem yumi mekem wan stadi long buk ya Baebol Tijim, klosap oltaem yumi ridim wan haf mo yumi askem kwestin. Be sipos studen i no save gud lanwis we buk i stap long hem, no i no save rid gud, maet yu yusum buk ya Teach Us. Yu save yusum Summary blong mekem stadi, mo yu pulum studen blong hem wan i ridim japta. Plante taem, i nidim 15 minit nomo blong tijim man long wan trutok blong Baebol. I no gat plante save long Summary olsem long japta, taswe tija i mas rere gud, mo i mas tingbaot samting we studen i nidim. Sipos yumi mekem stadi long ol japta, yumi save yusum Summary blong tingting bak.

ENDNOTES: Ol wod mo tingting long Endnotes oli folem sem oda olsem we i stap long ol japta. Tija i save luk sipos i stret blong hem i tokbaot Endnotes taem hem i stap mekem stadi.