Tijing Blong God i Winim Fasin Agens

Jehova i mekem i sem mak long olgeta man. (Wok 10:34, 35) Hem i glad long ol man blong ‘olgeta kala, kantri, laen, mo lanwis.’ (Re 7:9) Taswe, long Kristin kongregesen, i no gat fasin ya we samfala oli agensem narafala from we oli defren, mo we oli mekem i gud moa long samfala i bitim ol narafala. (Jem 2:1-4) Yumi talem tangkiu tumas from tijing blong God we i jenisim fasin blong yumi, nao i olsem we yumi stap long wan paradaes finis. (Aes 11:6-9) Taem yumi wok had blong sakemaot ol tingting we i agensem narafala, yumi stap folem fasin blong God.—Ef 5:1, 2.

YUFALA I WAJEM VIDEO YA JOHNY MO GIDEON: BIFO TUFALA I ENEMI, NAOIA TUFALA I BRATA. BIAEN, YUFALA I ANSA LONG OL KWESTIN YA:

• ?From wanem tijing blong God i gud moa, i bitim ol wok we man i mekem blong traem winim fasin agens?

• ?Wanem samting we yu yu laekem moa long bigfala famle blong ol brata mo sista long fulwol?

• Taem yumi joen gud, ?olsem wanem yumi leftemap nem blong Jehova?