Halpem Famle Blong Yu Blong Oli Tingbaot Jehova

Jeremaea i gat wok ya blong wonem ol man Jiu long bigfala trabol we bambae i kasem olgeta from we oli fogetem gud Jehova. (Jer 13:25) ?From wanem ol man Jiu oli no moa wosipim Jehova? Hemia from we ol famle oli no moa gohed blong trastem Jehova mo wosipim hem. Ol hed blong famle nao oli no moa obei long advaes we Jehova i talem long Dutronome 6:5-7.

Ol famle we oli holemstrong long Jehova oli givhan long kongregesen blong i stanap strong tede. Ol hed blong famle oli save halpem famle blong olgeta blong oli tingbaot Jehova, taem oli gat wan gudfala program blong mekem famle wosip oltaem. (Sam 22:27) Afta we yufala i wajem video ya, ‘Ol Tok Ya Oli Mas Stap Long Hat Blong Yu’—Ol Intaviu, yufala i save ansarem ol kwestin ya:

• ?Olsem wanem sam famle oli winim sam problem we i save blokem olgeta blong no mekem famle wosip?

• ?Wanem sam gudfala samting we ol famle oli kasem taem oli gat wan gudfala program blong mekem famle wosip oltaem?

• ?Wanem sam problem we mi fesem long taem blong famle wosip, mo wanem sam samting we mi save mekem blong winim ol problem ya?