LAEF BLONG OL KRISTIN
Soem Gudfala Fasin Taem Yu Stanap Long Doa
Ol Kristin oli olsem wan ‘grup blong man blong go insaed long stadium, we ful wol i stap lukluk olgeta.’ (1Ko 4:9) Taswe, yumi no mas sapraes se sam man oli stap wajem yumi tru long windo, o oli stap lesin biaen long doa. Long sam haos maet oli gat ol sekiuriti kamera mo ol maekrofon we i mekem se oli save harem mo rikodem yumi. Hemia sam rod blong soem gudfala fasin taem yu stanap long doa blong haos.—2Ko 6:3.
LONG FASIN (Fil 1:27):
Yu mas respektem narafala. Yu mekem olsem taem yu no spae insaed long haos blong hem. Yu no kakae, dring, ring o sanem teks mesej taem yu stanap long doa blong haos
LONG TOKTOK (Efes 4:29):
Taem yu stanap long doa blong haos, yu no mas talem eni samting we yu no wantem se man blong haos i harem. Sam pablisa oli jusum blong no toktok taem oli stanap long doa, blong oli save tingbaot wanem we oli wantem talem