?Yu Glad Blong Givim Taem Mo Paoa Blong Yu?

Folem profet tok blong Aesea, tede yumi luk se oganaesesen blong Jehova long wol i stap kam bigwan moa i bitim bifo. (Aes 54:2) Hemia i mekem se yumi nidim sam niu Haos Kingdom, Haos Asembli, mo ol branj ofis. Mo afta we oli bildim ol haos ya, oli nidim mentenens, mo sam oli mas fiksimap olgeta. ?Olsem wanem hemia i givim janis long yumi blong givim taem mo paoa blong yumi long Jehova?

• Yumi save joen wetem grup blong prij blong yumi blong klinim Haos Kingdom

• Yumi rere blong kasem trening blong mentenem Haos Kingdom blong yumi

• Yumi save fulumap fom ya (DC-50) Lokol Disaen Konstraksen Volontia, blong givhan sam samtaem long wan projek blong bildim o fiksimap sam Haos Kingdom klosap long yumi

• Yumi save fulumap fom ya (A-19) Volontia Program mo wok olsem volontia blong givhan long branj blong yumi o wan nara branj, blong wan wik o moa

WAJEM VIDEO YA PLAN BLONG WAN NIUFALA KONSTRAKSEN PROJEK—SMOL HAF MO ANSA LONG OL KWESTIN YA:

• ?Tokbaot olsem wanem yumi yusum moa video naoia i bitim ol yia bifo long 2014?

• Blong mekem se yumi gohed blong kasem ol video we yumi nidim long wosip, ?oli plan blong mekem wanem projek, mo wetaem bambae oli statem mo finisim projek ya?

• ?Olsem wanem ol volontia oli save givhan long projek ya?

• Sipos yumi wantem givhan long projek long Ramapo, ?from wanem yumi mas fulumap wan fom (DC-50) mo givhan long Lokol Disaen Konstraksen projek we i stap klosap long ples blong yumi?

• ?Wanem i pruvum se Jehova i stap lidim projek ya?

• ?Olsem wanem yumi save sapotem projek ya nating sipos yumi no stap long konstraksen?