Long Fastok Blong Yu, Tokbaot Ol Samting We i Jes Hapen

Taem Jisas i prij, hem i tokbaot ol samting we oli jes hapen, blong tijim ol man long sam lesen. (Lu 13:1-5) Yu save mekem sem mak taem yu tokbaot mesej blong Kingdom. Afta we yu tokbaot problem blong mane, disasta, politik, drag, o wan nara trabol, yu askem long man se: “?Yu ting se wan dei . . . bambae i finis?” o “?Yu ting se wanem nao beswan rod blong finisim . . . ?” Biaen, ridim wan vas we i stret folem topik ya. Sipos man i intres, soem wan video o wan buk we i stap long Tijing Tulboks. Taem yumi traehad blong kasem hat blong ol man long teritori, i gud yumi “mekem evri samting from gud nius.”—1Ko 9:22, 23.

?Wanem ol topik we i save pulum intres blong ol man long teritori blong yu?