Paenia

Yumi yusumgud paoa blong yumi, taem yumi putum ol mak long saed blong spirit. (1Ko 9:26) Ol mak long saed blong spirit oli givhan long yumi blong yusumgud taem blong yumi long en blong sistem blong wol ya. (Ef 5:15, 16) Long taem blong famle wosip, tokbaot ol mak we yufala i wantem kasem long niufala sevis yia. Blong givhan, miting wokbuk ya i tokbaot sam mak we yu save tingbaot mo prea from.—Jem 1:5.

Eksampol, ?yufala evriwan long famle i save wok tugeta blong halpem wan i kam fultaem paenia? Sipos yu harem se bambae yu no save kasem ol aoa blong yu, i gud yu storian wetem sam paenia we situesen blong olgeta i klosap sem mak long yu. (Pro 15:22) Maet long taem blong famle wosip, yu save mekem intaviu long wan paenia. Biaen yu mekem sam program. Sipos bifo yu yu bin mekem wok blong paenia, i gud yu traem tingbaot sipos yu save mekem wok ya bakegen naoia.

?I gat samfala long famle blong yu we oli save mekem haftaem paenia blong wan o moa manis? Sipos yu no gat tumas paoa, maet yu save mekem haftaem paenia, taem yu spenem smol taem evri dei long wok blong prij. Sipos long ful wik yu yu wok o yu skul mo yu no save joen long wok blong prij, yu save jusum blong mekem haftaem paenia long wan manis we i gat holide o i gat faef wiken. Long wan kalenda, raetemdaon wetaem yu plan blong mekem haftaem paenia mo raetem plan blong yu.—Pro 21:5.

WAJEM VIDEO YA YU MAS GAT STRONG TINGTING . . . PAENIA, BIAEN ANSA LONG OL KWESTIN YA:

• ?Olsem wanem ekspiriens blong Sista Aamand i tijim yumi se Jehova i lavem mo i lukaotgud long olgeta we oli mekem sam sakrefaes blong kam paenia?