?Olsem Wanem Blong Tingbaot Ol Vas?

?Yu yu faenem i had samtaem blong tingbaot wan vas blong Baebol we yu laekem tumas? Maet hemia wan vas we i mekem yu harem gud, i givhan long yu blong winim wan rong tingting, o yu wantem serem wetem narafala. (Sam 119:​11, 111) Hemia sam rod we i save givhan long yu blong tingbaot ol vas.

• Yusum JW Library^® app. Yu save ademap wan taga mo putum nem blong hem se “Ol Vas We Mi Laekem.” Ale, taem yu stap ridim Baebol long JW Library mo yu luk wan vas we yu wantem tingbaot, yu save sevem i go long tag ya, nao bambae i isi blong faenem bakegen.

• Putum vas we yu laekem long wan ples we yu save luk. Yu raetemdaon wan vas we yu wantem tingbaot, mo yu putum long wan ples we bambae yu save luk oltaem. Samfala oli putum long mira blong olgeta, mo sam narafala oli putum long doa blong aesbokis. Sam narafala bakegen, oli tekem foto long vas ya mo yusum olsem skrin seva long kompiuta o fon blong olgeta.

• Mekem i kam wan gem. Long wan pepa, yu raetem wan vas long wan saed, mo long narasaed yu raetem ol toktok blong vas ya. Ale, yu save lukluk vas ya mo traem tingbaot ol toktok blong hem, o yu save lukluk ol toktok blong hem mo traem tingbaot se hem i wanem vas.