?Yu Yu Harem Se Yu Stap Yu Wan?​—?Wanem i Save Givhan?

• “Long Yunaeted Stet, plante man oli harem se oli stap olgeta wan, mo bighaf blong olgeta hemia ol yangfala.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “Naoia plante man oli harem se oli stap olgeta wan, mo [Wol Helt Ogenaesesen] i luksave se hemia i wan bigfala problem we i save spolem helt blong olgeta. Taswe oli putumap wan grup blong ol man blong i givhan long olgeta we oli fesem problem ya, mo pulum olgeta blong oli joen moa wetem ol narafala. Oli wantem halpem ol man olsem we oli stap long ol defdefren kantri.”​—Wol Helt Ogenaesesen, 15 Novemba 2023.

Baebol i givim ol gudfala advaes we i save halpem yumi blong joen gud wetem ol narafala. Hemia bambae i givhan long yumi blong no harem se yumi stap yumi wan.

Ol advaes blong Baebol we i save givhan

No spenem tumas taem long ol samting we oli save mekem se yu no joen wetem ol narafala. Yu no mas spenem tumas taem long sosol media. Be i gud yu go joen wetem ol narafala, blong oli save kam ol fren blong yu.

• Advaes blong Baebol: “Wan tru fren i soemaot lav oltaem, mo hem i wan brata we i kamtru long yu long taem blong trabol.”—Ol Proveb 17:17.

Mekem sam samting blong givhan long ol narafala. Taem yumi givhan long ol narafala, hemia i mekem se yumi fren gud wetem olgeta mo yumi glad.

• Advaes blong Baebol: “Man i harem gud moa taem hem i givim samting, i bitim we hem i kasem samting.”​—Ol Wok 20:35.

Long websaet blong mifala, yu save faenem sam moa gudfala advaes blong Baebol we i save givhan long yu blong joen gud wetem ol narafala.