Jisas Bambae i Finisim Olgeta Faet

Taem Jisas i stap long wol, hem i soemaot se hem i lavem ol man. Lav blong hem i bigwan tumas, taswe hem i rere blong ded blong sevem ol man. (Matiu 20:28; Jon 15:13) I no longtaem, bambae hem i mekem wan narafala samting blong soemaot se hem i lavem ol man. Bambae hem i yusum paoa blong hem olsem King blong Kingdom blong God, blong “finisim ol wo long olgeta ples long wol.”—Ol Sam 46:9.

Traem luk samting we Baebol i talem se Jisas bambae i mekem:

• “Bambae hem i sevem ol puaman we oli stap krae from help, mo olgeta we oli no gat nem, mo olgeta we i no gat helpa. Bambae hem i gat sore long man we i no gat nem, mo puaman, mo bambae hem i sevem laef blong man we i pua. Bambae hem i tekemaot olgeta long han blong ol man we oli mekem i strong tumas long olgeta, mo long raf fasin.”—Ol Sam 72:12-14.

?Yumi save mekem wanem blong soemaot se yumi tinghae long ol samting we Jisas i mekem finis, mo we bambae hem i mekem long fiuja? Wan rod hemia blong lanem moa long saed blong “gud nius blong Kingdom blong God,” we i mesej ya we Jisas i stap talemaot. (Luk 4:43) Ridim atikol ya “?Kingdom Blong God Hem i Wanem?”