?Ol Witnes Blong Jehova Oli Protestan?
Nogat, ol Witnes blong Jehova oli Kristin, be oli no Protestan. ?From wanem?
Mining blong Protestan se “wan grup blong ol jos we oli agensem Katolik.” I tru se ol Witnes blong Jehova oli no agri long tijing blong Katolik Jos, be oli no talem tu se oli Protestan, from ol risen ya:
Sam bilif blong ol Protestan oli no laenap wetem ol tijing blong Baebol. Wan eksampol: Baebol i tijim se i gat “i gat wan God nomo,” be i no wan Triniti. (1 Timoti 2:5; Jon 14:28) Mo Baebol i talemaot klia se panis we God i givim long ol rabis man, hemia ded blong olwe, be i no helfaea.—Ol Sam 37:9; 2 Tesalonaeka 1:9.
Mifala i no traem blong jenisim o protes agensem Katolik Jos o eni narafala jos. Mifala i wantem talemaot gud nius blong Kingdom blong God nomo, mo givhan long ol narafala blong oli bilif long gud nius ya. (Matiu 24:14; 28:19, 20) Mifala i no stap traem blong jenisim ol narafala jos, be mifala i wantem tijim ol man we oli rili lukaot trutok long saed blong God mo Baebol.—Kolosi 1:9, 10; 2 Timoti 2:24, 25.