?I Gat Wan Man i Wokem Samting Ya?

Leg Blong Pijin Blong Solwota

◼ Pijin blong solwota i save stanap drae leg nomo long aes, be bodi blong hem bambae i no kam aes. ?Olsem wanem bodi blong pijin ya i stap wom? Samting we i givhan bigwan, hemia wan fasin long bodi blong hem we i hotem blad long leg taem i kam kolkol tumas.

Tingbaot: Yumi save eksplenem fasin ya olsem: I gat tu paep we tufala i stap klosap long tufala, wan i karem wota we i kolkol, narawan i karem wota we i hot. Sipos wota long tugeta paep ya i ron i godaon, no tugeta i ron i kam antap, bambae wota we i kolkol i kam hot smol nomo. Be sipos wota long wan paep i ron i godaon mo wota long narafala paep i ron i kam antap, wota we i kolkol bambae i kam hot gud.

Long saed blong leg blong pijin, fasin ya i wok olsem: Fastaem, blad we i stap ron i godaon i kam kolkol gogo klosap i kam aes, be taem blad ya i ron i kam antap bakegen, hem i kam hot. Wan man we i stadi long ol pijin, nem blong hem Gary Ritchison, i tokbaot ol pijin long ol ples we oli kolkol, i se: “Kolkol i kam hot long tu string blong blad, we long wan string blad i ron i kam antap be long narawan blad i ron i godaon. Fasin ya i wokgud mo i waes we i waes. From samting ya, ol man oli yusum sem fasin ya long plante projek blong olgeta taem oli stap wokem ol samting. Olsem nao, oli no westem plante lektrik.”

?Wanem tingting blong yu? ?Fasin ya blong pijin blong solwota, we leg blong hem i save kam hot taem i kolkol tumas, i kamaot olsem nomo? ?Yu ting se i gat wan Man i wokem samting ya?a

[Futnot]

[Tok blong pija long pej 29]

(Lukluk niuspepa)

Taem leg blong pijin blong solwota i kolkol tumas, fasin ya long bodi blong hem i hotem blad we i ron i kam antap

32°C

0-5°C

[Foto Credit Line long pej 29]

Seagull: © Michael S. Nolan/age fotostock