Ol Fastok

Blong Statem Ol Baebol Stadi Long Fas Sarede Blong Manis Februari

“Wan long ol fas samting we mi lanem long Baebol, hemia nem blong God. ?Yu yu save nem blong hem? [Letem man i ansa.] Traem luk se magasin ya i talem wanem.” Yu givim Wajtaoa blong Jenuware–Maj long hem, mo yu tokbaot fas kwestin we i stap long las pej. Yu save ridim wan long ol vas we i stap. Yu askem long hem sipos hem i wantem tekem magasin ya, mo yu mekem plan blong yu gobak blong tokbaot nekis kwestin.

Wajtaoa Jenuware–Maj

“Mi wantem save tingting blong yu long saed blong wan man we ol Kristin, ol Muslim, mo ol man long skul blong ol man Jiu, oli tinghae long hem. Man ya hem i Ebel. ?Taem yu harem nem blong hem, yu tingbaot wanem? [Letem man i ansa, mo ridim Hibrus 11:4.] Wajtaoa ya i tokbaot samting we yumi save lanem long fasin blong Ebel mo bilif blong hem.” Yu soem stori long pej 12.

Wekap! Jenuware–Maj

“Sam man oli ting se Paradaes i wan kastom stori nomo. Sam narafala oli bilif se Paradaes i wan naesfala garen we ol gudfala man oli stap long hem, oli laef olwe, mo oli harem gud long gudfala wok blong olgeta. ?Be wanem tingting blong yu? [Letem man i ansa, mo ridim Jenesis 2:8.] Wekap! ya i tokbaot kwestin ya.” Yu soem stori long pej 14.