Ol Fastok

Fastok Blong Singaot Ol Man Oli Kam Long Memoriol

“Gudmoning. Mifala i wantem givim pepa ya long yu, blong singaot yu mo famle blong yu i kam long wan impoten miting we mifala i mekem wan taem long wan yia. Miting ya i stap long namba 26 Maj, mo i blong tingbaot ded blong Jisas. Bambae i gat wan tok we i stanap long Baebol, blong eksplenem ol blesing we yumi kasem from ded blong Jisas. Long pepa ya, oli makem stret taem mo ples we miting ya i stap long hem.”

Wajtaoa Jenuware–Maj

“?Olsem wanem? ?Yu ting se enikaen man i save ridim Baebol mo kasem save gud long God? [Yu letem man i ansa.] Baebol i talem se God i stap soemaot trutok long sam man nomo, be i no long olgeta man. [Yu ridim Matiu 11:25.] Wajtaoa ya i tokbaot wanem we yu yu mas mekem blong God i glad blong soemaot trutok long yu.” Yu tokbaot pej 9.

Wekap! Jenuware–Maj

“?Wanem tingting blong yu? ?God bambae i finisim ol nogud fasin mo trabol we i mekem man i harem nogud? [Yu letem man i ansa, mo yu ridim Ol Sam 37:11.] Magasin ya i tokbaot promes blong God, mo from wanem yumi save trastem promes ya.” Yu tokbaot haf we i stat long pej 14.